ផ្សេងៗ សុខភាព 

ជំងឺទាចទឹក (cirrhosis)

ជំងឺទាចទឹក (Ascites) គឺជាវត្តមានទឹកដក់នៅក្នុងស្រោមពោះ ហើយមិនមែនជាឈាម។ ជំងឺក្រិនថ្លើម(Liver cirrhosis) ជាមូលហេតុចំបងនៃជំងឺទាចទឹក។ ជំងឺក្រិនថ្លើមនេះ អាចបណ្តាលមកពីជំងឺរលាកថ្លើមរ៉ាំរ៉ៃបង្កដោយ វីរុស បេ និង សេ (Hepatitis B and C) ឫការទទួលទានស្រាលើសកម្រិតយូររ៉ាំរ៉ៃ និងខ្លាញ់រុំថ្លើម(Steato-Hepatitis)។ មូលហេតុសំខាន់ៗ ជំងឺក្រិនថ្លើម (Liver Cirrhosis) ដែលមានប្រមាណជា ៨០%  ជំងឺខ្សោយតំរងនោមរ៉ាំរ៉ៃ (Chronic Renal Failure)  ជំងឺខ្សោយបេះដូង  ជំងឺរបេងស្រោមពោះ ឬ ពោះវៀន  ជំងឺមហារីកស្រោមពោះ ឬ ការរាលដាលមកក្នុងស្រោមពោះ (Peritoneal Metastases) នៃជំងឺមហារីកផ្សេងៗដូចជា មហារីកថ្លើម លំពែង ក្រពះ ពោះវៀនធំ ឬ ក្រពេញអូវែរជាដើម។ រោគសញ្ញា ពោះឡើងតឹងធំ និង ភ្លឺរលោង  ផ្ចិតប៉ោងធំខុសពីធម្មតា(ករណីមានទឹកដក់ច្រើន)  ការថយចុះនូវបរិមាណទឹកនោម  ហើមជើងទាំងសងខាង   ឡើងទំងន់ខុសពីធម្មតា ប៉ុន្តែរូបរាងអ្នកជំងឺស្គមស្គាំង (ឡើងតឹងធំតែពោះ)។  គេអាចរកឃើញទាចទឹក ដោយការពិនិត្យរាងកាយអ្នកជំងឺដោយឲ្យគាត់គេងផ្អៀង រួចសង្កេតមើលទៅលើពោះ និងយកដៃស្ទាប ហើយគោះលើពោះរកសំលេងទឹកក្នុងស្រោមពោះ។ គ្រូពេទ្យអាចស្វែងរកឃើញនូវរោគសញ្ញានៃជំងឺផ្សេងៗ ដែលជាមូលហេតុដូចបានរៀបរាប់ខាងលើផងដែរ។ ករណីទាចទឹក ដែលមានបរិមាណតិចតួច ការធ្វីរោគវិនិច្ឆ័យអាចធ្វើទៅបានតាមរយះរូបភាពវេជ្ជសាស្ត្រផ្សេងៗដូចជា អេកូសាស្ត្រ (Abdomen Ultrasound) ឬស៊ីធីស្កែន (CT Scan)។  តើអ្នកគួរធ្វើដូចម្តេច នៅពេលមានជំងឺទាចទឹក? អ្នកគួរទៅជួបពិគ្រោះជំងឺជាមួយវេជ្ជបណ្ឌិតជំនាញដើម្បីធ្វើរោគវិនិច្ឆ័យរកមូលហេតុ និងធ្វើការព្យាបាលតាមបច្ចេកទេសឲ្យបានត្រឹមត្រូវ។ មូលហេតុមួយចំនួនអាចព្យាបាលជាសះស្បើយដូចជា ជំងឺរបេងស្រោមពោះ ឬ របេងពោះវៀន។ល។ ផ្ទុយទៅវិញ មូលហេតុផ្សេងៗទៀត អាចក្លាយជាជំងឺរ៉ាំរ៉ៃ ឬអាចបណ្តាលឲ្យប៉ះពាល់ដល់អាយុជីវិតលោកអ្នកទៀតផង។ ជៀសវាងការប្រើប្របាស់ឱសថដោយខ្លួនឯង ដោយពុំមានវេជ្ជបញ្ជា និងថ្នាំបុរាណទាំងឡាយណាដែលពុំមានប្រភពច្បាស់លាស់ ។ ប្រភព៖គេហទំព័រសុខភាព

Read More
សុខភាព 

ការព្យាបាលដោយចលនាលើជំងឺវៀចមុខ (bell’s palsy)

ការវៀចមុខ(Bell’s Palsy) គឺជាការរលាកសរសៃប្រសាទទី៧ ដោយសារវីរុស។ ការវៀចមុខមានពីរប្រភេទ៖ វៀចមុខរលាកសរសៃប្រសាទជាយខាង (Paralysis facial Peripheral): វាធ្វើឲ្យខ្វិនសាច់ដុំមុខមួយចំហៀងទាំងស្រុងគឺ វៀចមាត់ ភ្នែកបិទមិនជិត ញាក់ចិញ្ចើមមិនកើត។ វៀចមាត់ (Paralysis facial Central): ដោយសារមានគ្រោះថ្នាក់សរសៃឈាមខួរក្បាលគឺស្ត្រូក(Stroke) ដែលវាធ្វើឲ្យវៀចតែមាត់ទេ ភ្នែក បិទជិត ញាក់ចិញ្ចើមបាន។ សញ្ញានិងរោគសញ្ញា បាត់បង់ការគ្រប់គ្រងដោយភ្លេចនៅលើផ្នែកដែលប៉ះពាល់( មាត់ ភ្នែក ចិញ្ចើម ) ធ្វើឲ្យខ្វិនសាច់ដុំមុខ វៀចមុខម្ខាង (ម្ខាងកំរើកមិនកើត និងម្ខាងកំរើកកើត) ចាក់ឈៀបៗឬស្ពឹកថ្ពាល់ ឬមាត់ ការធ្លាក់ចុះមាត់ខាងផ្នែកដែលប៉ះពាល់(បូញ ទាញ មាត់មិនបាន) និយាយមិនច្បាស់ ពិបាកក្នុងការបរិភោគ ឬផឹក ហូបអារហារចូលថ្ពាល់ឈឺ ឬហៀរទឹកមាត់ចេញ ខ្ពុលមាត់មិនកើត ផ្លុំខ្យល់មិនបាន ហៀរទឹកមាត់ ឈឺចាប់នៅក្នុង ឬនៅពីក្រោយគុម្ភត្រចៀកខាងវៀច (៦០%) ឈឺចាប់ភ្នែក មើលឃើញព្រិលៗ ចេញទឹកភ្នែក អាចស្ងួតភ្នែកដោយសារភ្នែកចំហរ បិទមិនជិត ញាក់ ឬជ្រួញចិញ្ចើមមិនកើត មានអារម្មណ៏ប្រែប្រួលនៃរស់ជាតិ (៥៧%) សំឡេង មានប្រតិកម្មរហ័សនៅលើចំហៀងដែលរងផលប៉ះពាល់ ជាធម្មតា ចាប់ផ្ដើមកើតឡើងភ្លាមៗ ជាទូទៅរោគសញ្ញាមានរយៈពេលតិចជាង ៤៨ ម៉ោង។ ព្យាបាលដោយចលនាដើម្បី៖ ស្អំសរសៃមុខដោយ Microvave ដើម្បីកំដៅភ្ញោចសាច់ដុំមុខ ព្យាបាលដោយម៉ាស៊ីនថែន័ដើម្បីភ្ញោចសាច់ដុំមុខ ធ្វើម៉ាស្សាដោយបន្ធូរនិងភ្ញោច លើសាច់ដុំមុខខាងវៀច ភ្ញោចឲ្យសាច់ដុំធ្វើការឡើងវិញដោយឲ្យអ្នកជំងឺប្រឹងធ្វើការកន្ត្រាក់សាច់ដុំមុខ ទំពារស្ករកៅស៊ូខាងវៀច ៨០% អ្នកជំងឺស្ដារឡើងវិញបាន ក្នុងរយៈពេលពី ២ទៅ១២សប្តាហ៍ ១០% មានការព្យាបាលរយៈពេលវែង ឬអាចនៅមានសំណល់រោគរហូត បើមិនមានការព្យាបាលបានត្រឹមត្រូវ។ ការព្យាបាលដោយចលនាល្អបំផុត គឺចាប់ផ្ដើមពី ២ ឬ៣ថ្ងៃដំបូង នៃការកើតមានជំងឺនេះ រួមផ្សំនឹងការព្យាបាលដោយថ្នាំសំលាប់វីរុសជាដើម។ វិធីការពារ(ក្នងអំឡុងពេលព្យាបាល)៖ ពេលដេក ត្រូវបិទភ្នែកដោយកុំប្រ៉េស…

Read More
សុខភាព 

ជំងឺស្បូនស្អិត

ជំងឺស្បូនស្អិតបណ្ដាលអោយស្ត្រីមានវិបត្តិគ្មានកូន មានរដូវមិនទៀងទាត់ និងឈាមរដូវតិច ដែលបណ្តាលមកពីភ្នាសក្នុងស្បូនស្អិតជាប់គ្នាស្ទើរតែទាំងអស់។ មូលហេតុ ជំងឺនេះកើតមកពីការរលាកភ្នាសក្នុងស្បូនរ៉ាំរ៉ៃ (Endometritis) ស្ត្រីធ្លាប់ធ្វើការរំលូតកូនជាញឹកញាប់ (Frequency abortion) ស្ត្រីមានរលាកអាងត្រគាក (Pelvic inflammatory) រោគសញ្ញា ស្ត្រីមានរដូវតិចតួចក្នុងករណីភ្នាសក្នុងស្បូនស្អិតខ្លះនៅផ្នែកណាមួយ ស្ត្រីពុំមានរដូវទាំងវ័យក្មេងក្នុងករណីភ្នាសក្នុងស្បូនស្អិតទាំងស្រុង ស្ត្រីមានផ្ទៃពោះឧស្សាហ៍រលូតនៅត្រីមាសទី១  ស្ត្រីធ្លាប់មានរោគសញ្ញាឈឺចាប់ក្នុងអាងត្រគាករ៉ាំរ៉ៃពីមុនមក ស្ត្រីធ្លាប់មានជំងឺរលាកដៃស្បូន ស្ត្រីធ្លាប់មានប្រវត្តិធ្លាក់ស និងក្លាយរោគ ដោយធ្លាក់ស និងមានធុំក្លិន។ ការព្យាបាល ក្រោយពីការធ្វើរោគវិនិច្ឆ័យបានច្បាស់លាស់ ស្ត្រីមានជំងឺស្បូនស្អិត៖ ការព្យាបាលមានប្រសិទ្ធិភាពដោយឧបករណ៍ឆ្លុះស្បូន (Hysterocopy diagnosis) ហើយព្យាបាលដោយការវះកាត់តាមរយៈ ម៉ាស៊ីនឆ្លុះស្បូននេះនៅភ្នាសក្នុងរបស់ស្បូន (Hysteroscopy operative) នៅពេលនោះស្បូនស្ត្រីអាចវិវត្តមក សភាពធម្មតាវិញ និងអាចមានកូន ដោយលែងរលូតទៅថ្ងៃក្រោយ៕ ប្រភព៖ដកស្រង់ពីទស្សនាវដ្ថីសុខភាព

Read More
សុខភាព 

ជំងឺវៀចមាត់

ជម្ងឺវៀចមាត់ គឺជាការចុះខ្សោយនៃសាច់ដុំផ្ទៃមុខដែលបណ្តាលមកពីផលប៉ះពាល់នៃប្រព័ន្ធប្រសាទទី៧។ ជម្ងឺវៀចមាត់មានពីរប្រភេទ៖ ជំងឺវៀចមាត់ប្រព័ន្ធប្រសាទក្រៅ ជំងឺវៀចមាត់ប្រព័ន្ធប្រសាទកណ្តាល រោគសញ្ញា វៀចមាត់ប្រព័ន្ធប្រសាទក្រៅ ជាការខ្សោយនៃសាច់ដុំផ្ទៃមុខមួយចំហៀងផ្នែកខាងដែលប៉ះពាល់។ ការវៀចមុខប្រព័ន្ធប្រសាទក្រៅពុំមានការចុះខ្សោយនៅអវៈយវៈទេ។ ផ្ទៃមុខផ្នែកខាងលើ: ស្នាមជ្រួញនៃចិញ្ចើមមិនស្មើគ្នាពោលគឺខាងដែលខូចមានស្នាមជ្រួញថយចុះ ឬរលុបបាត់។ ភ្នែក: បិតមិនជិត ឬជិតដែរតែមិនខ្លាំងបូករួមទាំងគ្រាប់ភ្នែកអាចទាញឡើងលើនិងចេញក្រៅ។ ផ្ទៃមុខផ្នែកខាងក្រោម: ផ្នែកខាងដែលខូចគឺមានស្នាមជ្រួញនៅជិតច្រមុះថយចុះ ឬរលុបបាត់ហើយមាត់ទាញទៅផ្នែកខាងល្អ។ ការវៀចមាត់ប្រព័ន្ធប្រសាទក្រៅអាចមានបូករួមរោគសញ្ញាផ្សេងៗទៀតដូចជា អណ្តាតមិនដឹងរស់ជាតិ ស្ងួតទឹកភ្នែក ស្ងួតទឹកមាត់ជាដើម។ វៀចមាត់ប្រព័ន្ធប្រសាទកណ្តាល ការប៉ះពាល់តែផ្ទៃមុខផ្នែកខាងក្រោម ពោលគឺមានតែការថយចុះ ឬរលុបបាត់ស្នាមជ្រួញនៅជិតច្រមុះ ហើយមាត់ទាញទៅផ្នែកខាងល្អ។ រួមទាំងអាចមានការថយខ្សោយនៃអវៈយវៈមួយចំហៀងខ្លួនទៀត។ មូលហេតុ វៀចមាត់ប្រព័ន្ធប្រសាទក្រៅ ការប៉ះទង្គិចបណ្តាលអោយបាក់ឆ្អឹងរូសេ ដែលមានទីតាំងស្ថិតនៅផ្នែកចំហៀងនៃក្បាល និងនៅខាងក្នុងនៃត្រចៀក។ អំបៅអំបែកស្រួចស្រាវ ឬរ៉ាំរ៉ៃ។ ជំងឺដែលប៉ះពាល់ដល់ស្រោមខួរក្បាលមានដូចជាៈ Maladie de lym, Zona, Listeriose, sclerose en plaque, sacoidose, Tuberculose។ ជំងឺដុំសាច់ដែលបណ្តាលអោយប៉ះ ឬសង្កត់ទៅលើប្រព័ន្ធប្រសាទទីប្រាំពីរ ជាពិសេសផ្នែកខាងក្រោយ និងខាងក្រោមនៃខួរក្បាល។ ជំងឺមេតាបូលីកដូចជាជម្ងឺទឹកនោមផ្អែម វៀចមាត់ប្រព័ន្ធប្រសាទក្រៅអាចមិនមានមូលហេតុ ឬក៏រកមូលហេតុមិនឃើញដែរ ហើយវាអាចជាទៅវិញ ក្នុងរយៈពេលតិចបំផុត២ខែ តែវាក៍អាចមាននៅមានសំណល់ ២០%ដែរ។ វៀចមាត់ប្រព័ន្ធប្រសាទកណ្តាល ជំងឺគ្រោះថ្នាក់សរសៃឈាមខួរក្បាល: ដាច់សរសៃឈាម ឬស្ទះសរសៃឈាមខួរក្បាល។ ជំងឺដុំសាច់ ឬមហារីកខួរក្បាល… ការធ្វើរោគវិនិច្ឆ័យ ដើម្បីរកមូលហេតុនៃជំងឺវៀចមាត់នេះ ចាំបាច់ត្រូវមានការវិភាគអមវេជ្ជសាស្រ្តមួយចំនួនដូចតទៅ៖ ការពិនិត្យឈាម ការបូមទឹកឆ្អឹងខ្នង ការវិភាគតាម CT scan ឬ MRI ការព្យាបាល ការព្យាបាលជម្ងឺវៀចមាត់ គឺធ្វើឡើងទៅតាមមូលហេតុនីមួយៗរបស់ជំងឺ ដូចជា៖ ការប្រើប្រាស់ថ្នាំ ការព្យាបាលដោយចលនា និងធ្វើឲ្យអាការៈវៀចមាត់របស់អ្នកជំងឺឆាប់វិលមករកសភាពដើមវិញ ភ្នែកដែលបិតមិនជិតត្រូវការពារកុំឲ្យរលាក ដោយប្រើថ្នាំ និងត្រូវពាក់វែនតាការពារ៕ ប្រភព៖ ដកស្រង់គេហទំព័រសុខភាព

Read More
សុខភាព 

សត្វខាំ (ជំងឺឆ្កែឆ្កួត)

សត្វខាំ (ជំងឺ​ឆ្កែឆ្កួត) ជា​ជំងឺ​ដែលបង្ក​ឡើង​ដោយមេរោគ ដែល​កើត​នៅ​​សត្វ​ចិញ្ចឹម​កូន​ដោយ​ទឹក​ដោះទាំងសត្វស្រុក និងព្រៃ ដូច​ជា​ឆ្កែ ឆ្មា កណ្ដុរ ប្រជៀវ ចចក សំពោច កញ្ច្រោង … អាច​ចម្លង​ពី​សត្វ​ទៅ​សត្វ និង​ពី​សត្វ​មក​មនុស្ស។ រហូត​មក​ទល់​សព្វថ្ងៃនេះ ក្នុង​មួយ​ឆ្នាំៗ​នៅ​ទូទាំង​​​ពិភពលោក ​ជំងឺឆ្កែឆ្កួត​ជា​ភ្នាក់ងារ​បង្ក​ឱ្យ​មនុស្ស​បាត់​បង់​ជីវិតអស់​​រាប់​សិប​ពាន់​នាក់។ ការ​ចម្លង​ពី​មនុស្ស​ម្នាក់​ទៅ​មនុស្ស​ម្នាក់ ជា​ករណី​កម្រ​បំផុត​មែនទែន។ ជំងឺ​នេះ​អាច​បង្កឱ្យ​​​ស្លាប់។ របៀបចម្លង​ជំងឺ​ឆ្កែឆ្កួត​មក​មនុស្ស​ ជំងឺ​ឆ្កែឆ្កួត​ ច្រើន​ចម្លង​មក​មនុស្ស​ ដោយ​ញឹកញាប់​ជាង​គេ ដោយ​ការ​ខាំ​របស់​សត្វឆ្កែ។​ ក៏​ប៉ុន្តែ​សត្វ ឆ្មា សត្វ​ប្រចៀវ និង​សត្វ​ព្រៃ​​ជា​ច្រើន​ផ្សេង​ទៀត ដែល​ស្ថិត​នៅ​ក្នុង​ចង្ក្រោម​សត្វ​ចិញ្ចឹម​កូន​ដោយ​ទឹកដោះ ក៏​អាច​ជា​​ចម្លង​ជំងឺ​នេះ​មក​មនុស្ស​បាន​ដែរ។ មេរោគ​ឆ្កែឆ្កួត ចម្លងមក​មនុស្ស​តាម​រយៈ​ទឹក​មាត់​សត្វ​​ដែល​មាន​ជំងឺ​ឆ្កែឆ្កួត ដោយ​​ការ​ខាំ ខ្វាញ​ ​ឬ​លិឍ​ចំ​លើ​កន្លែងរលាត់​ស្បែក​។ មេរោគ​ឆ្កែឆ្កួត​ មិន​ជ្រាប​ចម្លង​តាម​ស្រទាប់​ស្បែក​ជា​របស់​មនុស្ស​យើង​បាន​ឡើយ។ សូម​ចង​ចាំ​ថា ទឹកមាត់​សត្វ​អាច​មាន​ផ្ទុក​មេរោគ​ឆ្កែឆ្កួត​ តាំង​ពី​មួយ​សប្តាហ៍​ មុន​សត្វនោះ​​មាន​សញ្ញា​រោគ​ឈឺ។ រោគសញ្ញា ​         ​មេរោគ​ឆ្កែឆ្កួត​ចូល​ដល់​ក្នុង​ខ្លួន​មនុស្ស​ហើយ វា​អាច​សំងំ​ស្ងៀម​ ក្នុង​រយៈ​ពេល​ជា​មធ្យម​ពី​៣០-៤៥​ថ្ងៃ មុន​នឹង​ផ្តល់​ជា​រោគ​សញ្ញា​ជំងឺ​។ ប៉ុន្តែ​រយៈ​ពេល​សំងំ​អាច​ខ្លី​ឬ​វែង អាស្រ័យ​លើ​កំរិត​និង​បរិមាណ​នៃ​ការ​ខាំ។ រោគសញ្ញា មានដូចជា៖ មានការឈឺចាប់ខ្លាំងឡើងជាលំដាប់ត្រង់កន្លែងរបួស មានកម្ដៅ ហើមតឹងលើមុខរបួស មានព៌ណក្រហមជុំវិញរបួស ឬស្នាមក្រហមមានជាសណ្ឋានជាខ្សែចេញពីកន្លែងខាំ ជួនកាលមានខ្ទុះហូរចេញពីស្នាមខាំ គ្រុនក្ដៅ។ល។ តើ​ត្រូវ​ធ្វើ​ដូចម្តេចខ្លះ​នៅ​ពេល​មាន​សត្វ​ខាំ ?​ ​ ទោះ​បី​ជា​ជំងឺ​ឆ្កែឆ្កួត​​ជា​ជំងឺ​កាចសាហាវ​ ព្រោះ​វា​​អាច​បង្ក​ឱ្យ​បាត់​បង់​ជីវិត​​ក៏​ពិត​មែន ប៉ុន្តែ​សូម​ចង​ចាំ​ថា មិនមែន​​គ្រប់​ករណី​ខាំ គ្រប់​ឆ្កែ​គ្រប់​ឆ្មា សុទ្ធ​​តែ​មាន​ផ្ទុ​កមេរោគ​​ឆ្កែឆ្កួត​ឡើយ។ គឺ​មាន​តែ​ឆ្កែ​ឬ​ឆ្មា ឬ​សត្វ​មាន​ជំងឺ​តែ​ប៉ុណ្ណោះ​ដែល​អាច​ចម្លង​មេរោគ​របស់​វា​តាម​រយៈ​ទឹក​មាត់​មក​មនុស្ស​យើង។ ដូច្នេះ ​លោកអ្នក​គ្មាន​ហេតុ​ផល​អ្វី​ត្រូវ​ភ័យ​ស្លន់ស្លោ​រទេ។ ក្រោយ​មាន​ហេតុ​សត្វ​ខាំ សូម​អនុវត្តភ្លាម​នូវ​​កាយវិការ​ដ៏​សំខាន់​ខាង​ក្រោម​នេះ៖ លាង​របួស ស្នាម​​ដោយ​សត្វ​ខាំ ឱ្យ​ស្អាត ដោយប្រើ​ទឹក​​ចាក់បង្ហូរ​ទឹក​ពី​លើ​ឱ្យ​បាន​ច្រើន​ (ដើម្បី​ដោយ​ទឹកមាត់​សត្វ​ខ្ទាត​ចេញ​ពី​របួស) និង​លាយ​ជាមួយ​សាប៊ូ ដើម្បី​សម្លាប់​មេរោគ បន្ទាប់​មក​បើ​មាន​សូម​លាង​របួស​នឹង​អាល់កុល ឬ​ថ្នាំ​សម្លាប់​មេរោគ​បន្ថែម​ទៀត និង​ចុងក្រោយ​ទើប​ស្វែង​រក​ការ​ចាក់​ថ្នាំ​បង្ការ វិធានការ​បន្ទាប់​បន្សំ​ផ្សេង​ទៀត ៖ ប្រសិន​បើ​ជា​សត្វ​មាន​ម្ចាស់​ត្រូវ​ឱ្យ​ពេទ្យ​សត្វ​តាមដាន​មើល​សុខភាព​សត្វ​នោះ​រយៈ​ពេល​១៥​ថ្ងៃ។ ការចាក់​ថ្នាំ​បង្ការក្រោយ​សត្វ​ខាំ ក្នុងវេជ្ជសាស្ត្រ​បច្ចុប្បន្ន​ពុំ​មាន​ថ្នាំ​និង​លទ្ធភាព​ព្យាបាល​ជំងឺ​ឆ្កែឆ្កួតទេ។…

Read More
សុខភាព 

ជំងឺលើសសម្ពាធឈាម (HYPERTENSION)

ជំងឺលើសសម្ពាធឈាមមានន័យថាសម្ពាធឈាមលើសពី ១៤០/៩០ មីលីម៉ែត្របារត។ ការវាស់សម្ពាធឈាមត្រូវធ្វើឡើង បន្ទាប់ពីឲ្យអ្នកជំងឺសម្រាក (អង្គុយ ឬដេក) ៥ ទៅ១៥ នាទី សិន។ ជាទូទៅដើម្បីបញ្ជាក់ថាមានជំងឺលើសសំម្ពាធឈាម យ៉ាងហោចណាស់ឲ្យបាន២ទៅបីដងដែរ។ មូលហេតុ៖ ជាទូទៅជំងឺលើសឈាមកើតឡើងដោយឯកឯង គ្មានមូលហេតុច្បាស់លាស់ប្រហែលជា៩០%នៃករណី។ កត្តាគ្រោះថ្នាក់ ជក់បារី ជំងឺទឹកនោមផ្អែម របបអាហារប្រៃពេក អាយុច្រើនដែលធ្វើឲ្យសរសៃឈាមក្រិនរឹង កត្តាតំណពូជ មិនធ្វើលំហាត់ប្រាណ រោគសញ្ញា ជាទូទៅអាចអត់មានរោគសញ្ញា វិលមុខ ហ៊ឹងត្រចៀក ឈឺក្បាល ឈាមច្រមុះ រោយក ជំងឺលើសសម្ពាធឈាមចែកចេញជា ៣កម្រិត៖ >១៤០/៩០ មីលីម៉ែត្របារត កម្រិតមធ្យមគឺ សម្ពាធ >១៦០/១០០ មីលីម៉ែត្របារត កម្រិតធ្ងន់ធ្ងរគឺ សម្ពាធ >១៨០/១១០ មីលីម៉ែត្របារត ផលវិបាក ផលវិបាកទៅលើបេះដូង៖ បេះដូងក្រាស់ ជំងឺខ្សោយបេះដូង ប្រឈមមុខនឹងជំងឺស្ទះសរសៃឈាមដែលចិញ្ចឹមបេះដូង។ ជំងឺខ្សោយតម្រងនោម ជំងឺដាច់សរសៃឈាម ឬស្ទះសរសៃឈាមខួរក្បាល ពិការភ្នែក វិធានការពារ ការអប់រំ៖ ត្រូវកាត់បន្ថយការទទួលទានអាហារដែលសំបូរជាតិប្រៃ កុំពិសាបារី កាត់បន្ថយការទទួលទានគ្រឿងស្រវឹង ត្រូវទទួលទានបន្លែ ផ្លែឈើឲ្យបានច្រើន ការព្យាបាល៖ ការព្យាបាលដោយប្រើថ្នាំមួយជីវិត ការបញ្ជូន៖ មិនឆ្លើយតបនិងការព្យាបាល អ្នកជំងឺហត់និងដង្ហក់ សម្ពាធឈាមខ្ពស់ TAS លើសពី១៨០មីលីម៉ែត្របារត ឬ/នឹង TAD លើសពី១១០មីលីម៉ែត្របារត៕ ប្រភព៖សេចក្ដីណែនាំគ្លីនីក MPA

Read More
សុខភាព 

ជំងឺស្ទះសរសៃឈាមសួត(PULMONARY EMBOLISM)

ជំងឺស្ទះសរសៃឈាមសួតជាការស្ទះភ្លាមៗពេញទាំងស្រុង ឬមួយផ្នែកនៃទងសរសៃឈាមសួត ដែលបណ្ដាលមកពីការផ្លាស់ទីរបស់កំណកឈាម។ វាជាជំងឺដែលមានការគំរាមកំហែងដល់អាយុជីវិតនិងត្រូវការសង្គ្រោះបន្ទាន់។ កត្តាហានិភ័យ៖ ៧០% ទៅ ៩០% វាបណ្ដាលមកពីការស្ទះសរសៃឈាមវ៉ែន (Vein) នៅនឹងជើង។ រោគសញ្ញា ហត់ដង្ហក់ និងដកដង្ហើមញាប់ ឈឺទ្រូងផ្នែកខាងក្រោម ឬចំហៀងទ្រូង ក្អកធ្លាក់ឈាម សន្លប់ បេះដូងដើរញាប់ សម្ពាធឈាមធ្លាក់ចុះ វិធានការពារ សម្រាកលើគ្រែ ហាមងើបដើរ ដាក់ខ្យល់អុកស៊ីសែន ការបញ្ជូន៖ រាល់អ្នកជំងឺសង្ស័យត្រូវបញ្ជូនទៅមន្ទីរពេទ្យបង្អែក ឬមន្ទីពេទ្យថ្នាក់ជាតិបន្ទាន់៕ ប្រភព៖សេចក្ដីណែនាំគ្លីនីក MPA

Read More
សុខភាព 

ជំងឺរលាកកូនទងសួតលើកុមារ (BRONCHOLITIS)

រលាកកូនទងសួតគឺបង្កឡើងដោយវីរុសនៅផ្លូវដង្ហើមផ្នែកខាងក្រោមដែលធ្ងន់ធ្ងរជាងគេលើកុមារតូចៗ និងកើតមានជារៀងរាល់ឆ្នាំ។​​គេសំគាល់ដោយសារមានស្ទះផ្លូវខ្យល់ និងវីហ្សីង (Wheezing)។ វីរុស សាំងស៊ីស្យាល់ផ្លូវដង្ហើម ជាមូលហេតុចម្បង។ ការបង្ករោគផ្សេងទៀតគឺបណ្ដាលមកពីបាក់តេរីអាចកើតមានជារឿយៗនៅកន្លែងខ្លះ។ រោគសញ្ញា៖ លក្ខណៈគ្លីនីកច្បាស់លាស់នៃរលាកកូនទងសួតនៅពេលពិនិត្យ៖ ពិបាកហូប បៅ ផឹក ដោយមកពីវិបត្តិផ្លូវដង្ហើម ផ្ទាំងទ្រូងផ្នែកខាងក្រោមផតចូលពេលដកដង្ហើមចូល (Tirage) ទ្រូងរីកប៉ោងខ្លាំង និងមានស្នូរខ្ទរខ្លាំងពេលគោះ វីហ្សីង (សំឡេងដូចហួច) ដែលមិនធូរស្រាល ក្រោយពីឲ្យថ្នាំពង្រីកទងសួត៣ដូស ស្នូរលឺដូចលាជផ្ទុះ (Crackles) ឬសំឡេងដង្ហើមទងសួត (Rhonchi)ពេលស្ដាប់ វិធានការពារ និងព្យាបាល ការព្យាបាលរលាកកូនទងសួតដែលមានដង្ហើមញាប់ ឬសញ្ញាផ្សេងទៀតនៃវិបត្តិផ្លូវដង្ហើម គឺដូចគ្នា និងការរលាកសួតដែរ។ កុមារភាគច្រើនអាចព្យាបាលនៅផ្ទះ តែកុមារដែលមានរោគសញ្ញាដូចរលាកសួត ត្រូវតែបញ្ជូនទៅមន្ទីរពេទ្យដើម្បីព្យាបាលចំពោះករណីដូចខាងក្រោម៖ ករណីមានរោគសញ្ញាធ្ងន់ធ្ងរ សម្បុរស្វាយដោយខ្វះអុកស៊ីសែនក្នុងឈាម មិនអាចផឹកទឹកបាន ឬមិនអាចបៅបាន ឬក្អួតគ្មានសល់អ្វីទាំងអស់ក្រោយពេលបៅឬញុំ ប្រកាច់ ឬសន្លឹម ឡេះឡះ ផ្ទាំងទ្រូងផ្នែកខាងក្រោមផតចូលពេលដកដង្ហើមចូល ស្លាបច្រមុះរីកពេលដកដង្ហើមចូល សំឡេងថ្ងូរពេលដកដង្ហើមចេញ (ចំពោះទារក) ករណីមានសញ្ញានៃវិបត្តិផ្លូវដង្ហើម ពិបាកដកដង្ហើម ពិបាកទទួលទាន បៅ ផឹក ឬនិយាយ ប្រភព៖សេចក្ដីណែនាំគ្លីនីក MPA

Read More
សុខភាព 

ស្ហុកបណ្ដាលពីបេះដូង (CARDIOGENIC SHOCK)

គឺជាការចុះខ្សោយនៃសំពាធឈាមដែលបណ្ដាលមកពីភាពអន់ថយនៃកំលាំងរបស់បេះដូងដែលបណ្ដាលឲ្យមានការថយចុះបរិមាណឈាមទៅចិញ្ចឹមសរីរាង្គ។ មូលហេតុ៖ ស្ទះសរសៃឈាមបេះដូង ជំងឺខ្សោយបេះដូងធ្ងន់ធ្ងរ ស្ទះសរសៃឈាមសួត វិបត្តិចង្វាក់បេះដូង ទឹកក្នុងស្រោមបេះដូងធ្ងន់ធ្ងរ មូលហេតុផ្សេងៗទៀត រោគសញ្ញា៖ បេះដូងដើរញាប់ សម្ពាធឈាមធ្លាក់ចុះ ពិបាកដកដង្ហើម និងដង្ហើមញាប់ កង្វះខាតឈាមទៅចិញ្ចឹមជាលិកា៖​ ស្លេកស្លាំង ឡើងស្វាយ ត្រជាក់ចុងដៃចុងជើង ឡើងចេញក្រលាខ្ជឹង​លើក្បាលជង្គង់ ទឹកនោមតិច ឬអត់ចេញទឹកនោម ថ្លើមរីកធំ ហើយឈឺ ហើមជើងទាំងសងខាង វិធានការពារ និងព្យាបាល ដាក់អុកស៊ីសែន វាស់ចង្វាក់បេះដូង ត្រូវបញ្ជូនអ្នកជំងឺទៅមន្ទីរពេទ្យជាបន្ទាន់ ប្រភព៖​ សេចក្ដីណែនាំគ្លីនីក MPA

Read More
សុខភាព 

ឈឺចុកក្នុងទ្រូង (Angina)

ជាបណ្ដុំរោគសញ្ញានៃការឈឺទ្រូងដែលបណ្ដាលមកពីខ្វះអុកស៊ីសែន ទៅចិញ្ចឹមសាច់ដុំបេះដូង។ មូលហេតុ៖ ភាគច្រើនបណ្ដាលមកពីការត្បៀតសរសៃឈាមបេះដូង ដែលបង្កឡើងដោយកំណកខ្លាញ់តាមជញ្ជាំងសរសៃឈាមបេះដូង។ កត្តាគ្រោះថ្នាក់៖ អាយុច្រើន ជក់បារី លើសសំពាធឈាម ទឹកនោមផ្អែម លើសជាតិខ្លាញ់ ការមិនធ្វើលំហាត់ប្រាណ អាចជាកត្តាតំណពូជ រោគសញ្ញា៖ Stable angina៖ ឈឺតឹងណែន ឬកៀបក្រោយសន្ទះទ្រូងចាក់ទៅថ្គាម និងដៃខាងឆ្វេង ឬស្មាខាងឆ្វេង ពេលប្រឹងធ្វើការ ឬបញ្ចេញកំលាំង។ ការឈឺទ្រូងនេះមានរយៈពេលខ្លី តិចជាង៥នាទី និងបាត់ទៅវិញក្រោយពេលឈប់សំរាក ឬដោយប្រើថ្នាំ នីត្រូគ្លីសេរីន (Nitroglycerine)។ Instable angina៖ ឈឺតឹងណែន ឬកៀបក្រោយសន្ទះទ្រូងចាក់ទៅថ្គាមនិងដៃឆ្វេង ឬស្មាខាងឆ្វេងពេលនៅស្ងៀមដែលមានរយៈពេលយូរអាចពី ៥ ទៅ ៣០នាទី ហើយប្រឈមមុខនឹងការកកើតជំងឺរលួយសាច់បេះដូង។ វិធានការពារ៖ អ្នកជំងឺសម្រាកស្ងៀម ហាមងើបដើរ ឬបញ្ចេញកំលាំង ផ្ដល់អុកស៊ីសែនបើអ្នកជំងឺមានកំហាប់អុកស៊ីសែនតិចជាង៩៥% វាស់ចង្វាក់បេះដូង ការព្យាបាល៖ ប្រើឱសថប្រឆាំងនឹងកំណកឈាម ត្រូវបញ្ជូនអ្នកជំងឺទៅមន្ទីរពេទ្យ ប្រភព៖សេចក្ដីណែនាំគ្លីនីក

Read More